శ్రీ గణపతి అధర్వశీర్ష ఉపనిషత్

శ్రీ గణపతి అధర్వశీర్ష ఉపనిషత్ (శ్రీ గణపత్యుపనిషత్) అథర్వవేదంలోని పరమోత్కృష్టమైన వేదాంత గ్రంథం. గాణపత్య సంప్రదాయంలో దీనికి వేద సమానమైన అత్యున్నత స్థానముంది.

ఇందులో గణపతి కేవలం విఘ్నాలను తొలగించే దేవుడు మాత్రమే కాక, సకల సృష్టి-స్థితి-లయ కారకుడైన సాక్షాత్ పరబ్రహ్మము అని ఘోషించబడింది (త్వమేవ సర్వం ఖల్విదం బ్రహ్మాసి). అలాగే గణేశ మూలమంత్రమైన "ఓం గం గణపతయే నమః" మరియు ప్రసిద్ధ గణపతి గాయత్రి (ఏకదంతాయ విద్మహే వక్రతుండాయ ధీమహి తన్నో దంతిః ప్రచోదయాత్) ఈ ఉపనిషత్తునందే ప్రసాదించబడ్డాయి.

వినాయక చవితి, సంకష్టహర చతుర్థి మరియు నిత్య గణపతి హోమములలో అధర్వశీర్ష పఠనం విశేష ఫలితాలనిస్తుంది.

వక్రతుండ మహాకాయ సూర్యకోటి సమప్రభ ।
నిర్విఘ్నం కురు మే దేవ సర్వకార్యేషు సర్వదా ॥

ఓం శ్రీ మహాగణపతయే నమః!
ఓం శాంతిః శాంతిః శాంతిః!

• సర్వ విఘ్న నివారణ: "స సర్వవిఘ్నైర్న బాధ్యతే" — ఎటువంటి అడ్డంకులు, విఘ్నాలు సాధకునికి ఎదురుకావు.
• పంచమహాపాప నాశనం: "స పంచమహాపాతకాత్ ప్రముచ్యతే" — సమస్త పాపములు సమసిపోతాయి.
• మేధాశక్తి & జ్ఞానసిద్ధి: విద్యార్థులకు అద్భుతమైన జ్ఞాపకశక్తి, వాక్శుద్ధి, విద్యా విజయం లభిస్తాయి.
• బ్రహ్మత్వ ప్రాప్తి: "స బ్రహ్మభూయాయ కల్పతే" — అంత్యమున పరబ్రహ్మ సాక్షాత్కారం కలుగుతుంది.

ఏతదథర్వశీర్షం యోऽధీతే స బ్రహ్మభూయాయ కల్పతే ।
స సర్వవిఘ్నైర్న బాధ్యతే । స సర్వతః సుఖమేధతే ।
స పంచమహాపాతకాత్ ప్రముచ్యతే ॥
సాయమధీయానో దివసకృతం పాపం నాశయతి ।
ప్రాతరధీయానో రాత్రికృతం పాపం నాశయతి ।
సాయం ప్రాతః ప్రయుంజానో పాపోऽపాపో భవతి ॥

ఇతి శ్రీ గణపత్యథర్వశీర్షోపనిషత్ సంపూర్ణమ్ ॥